كود كازا//
الراقصة نور طالبي دارت فيديو طانزة فيه على حركة “مساكتاش” المناهضة للعنف ضد النساء، لي فرقات البارح صفارات على البنات باش يستعملوها إلى تلوط عليهم شي واحد.
نور لي عندها سبع صنايع ورزق ماشي ضايع، دارت جوج فيديوات على انستغرام مدة ديالهم 30 ثانية، مطلعاها. الأول ضاربة البوز وكتكثل كيفاش وحدة غادي تتصرف إلى تحرش بيها شي واحد بطريقة كيليميني.
والثاني كتدوي مع البنات باش ميخافو ويدهشو لي تحرش بيهم جبدو صفارة، يصفرو وغادي يخاف ويهرب.
من طريقتها باينة مستخفة بالموضوع. وآخر وحدة صراحة نتوقعو منها هاد طريقة مع موضوع بحال هذا هي نور. شحال ضامنو معاك ناس في وقت الحرب عليك ملي قررتي تقلبي حياتك من رجل لمرا، وبالتضامن فرضتي راسك وشخصيتك كراقصة.
