وكالات //

البوليس في الهند قرقبو على 14 واحد بتهمة الإحتيال، بعدما شدو قراعي ديال الفاكسان ضد كورونا عمروها بالما ديال البحر وبداو كايجلبو لبنادم.

وحسب جريدة “ديلي ميل” البريطانية، فإن هاد عملية الإحتيال مشاو ضحاياها بزاف ديال الناس، و العصابة بلا عكَز دارو 12 مركز ديال التلقيح وبداو ينصبو على بنادم.

هاد اللقاحات الوهمية ضربوها لأكثر من 2500 واحد في مدينة مومباي.

هاد الرباعة ديال النصابة متهمين بالقتل والتآمر الإجرامي والاحتيال وغادي يتحاسبو على فعايلهم و يدوزو إيامهم الجاية في الحبس.