نجوى المالحي-كود//
في رمضان كتكثر الحموضة لكن كيبان هاد العام القضية غادي تكون مضاعفة.
نجوى المالحي-كود//
في رمضان كتكثر الحموضة لكن كيبان هاد العام القضية غادي تكون مضاعفة.
البارح وبدون مقدمات خرجات الانستكَراموز ندى اوبنيشو المعروفة ب”فاشن لوفر” بستوريز قالت فيهم أنها غادي تولي ممثلة.
هاد الناس ماكفهاش الإشهار والحفلات والسفر فابور. وماكفهاش مواقع التواصل، دابا ولاو باغين يبانو حتى فالتلفزة.
ندى بدات كتدوي شوية وهي تبين المنتج خالد النقري لي الأعمال ديالو كتكون وقت الذروة وبدا كيرحب بيها وكيشكرها وكيضحك من وذنيه. وهي كتطلب من ناس لي متابعينها باش يتابعوه في الكونط ديالو على انستگرام.
حشومة منتج باسمو معروف يحط راسو في مواقف بحال هادي. وهاد الناس ديال الانستكَرام يبقاو فالافتراضي ويجيبو لينا أسماء ممثليين مزيانين لي الجمهور متعطش ومتشوق يشوفهم.