كود كازا ///

البارح تنشرات لائحة فيها حوالي 30 صحافي قالت منظمة “فوربيدن ستوريس” =تجمع 17 مؤسسة اعلامية عالمية= باللي الدولة المغربية كتجسس عليهم عبر برنامج “پيگاسوس” الاسرائيلي. يعني كلهم كتجسس على هواتفهم وحواسبهم ووو.

كان اسمي فيها. عبرت على استغرابي من ادراج اسمي فلائحة وما عمر هاد المنظمة دارت شي اتصال بي او طلبات تلفوني تجري عليه خبرة فمختبرات “امنستي” كيف دارو مع بعض الهواتف. ثم هاد المنظمة ما خبراتني على والو. ما عطاتني حتى شي معلومة على هاد الاختراق او التجسس.

عبرت على رأيي. علاش درتو اسمي اصلا. اليوم فالصباح حيدو اسمي واسماء صحافيين اخرين. خلاو فقط اسم 16 صحافي غالبيتهم فرانسيس او عايشين ففرانسا. 6 عايشين هنا و10 ففرانسا.

دابا نعاود نسولهم. علاش حيدتو اسمي عاود ثاني. ياك درتوها وخليوها على الاقل حتى تشرحو لينا الاسباب.

دابا هاد الشي ديال التحقيق لاشهر او سنوات طلع كولو عبث. ما عرفنا منين نشدوهم دابا.

ها انتوما شوفو اش نشرو البارح واش نشرو اليوم: