نجوى المالحي-كود//
الرابور المغربي دون بيكَ وفا بالكلمة لي قطعها مع الجمهور ديالو بخصوص نشر أغاني كان سجلها شحال هادي وعمرو خرجها، وشارك معاهم “checkmate” لي رابا فيها بالانكَليزية.
الأغنية شدات الطوندونس في اليوتوب المغربي، وحققات كثر من 320 ألف مشاهدة، وحظات بتفاعل كبير بين الناس.
تخراج أغاني قديمة ديال البيكَ جا في اطار كسر الملل لي عيشينو بزاف ديال المواطنين في اطار التزامهم بالحجر الصحي وحالة الطوارئ لي مفروضة في البلاد باش نساهمو كاملين في الحد من انتشار كورونا لي قتل لحد الآن كثر من 90 واحد.
