المراكشي كيكول ايلى هزيتي حجرة غادي تلقى عبد العزيز البنين. شكون هاد السيد اللي ولى مع كثار من ملايرية مراكش؟ السيد المرشح وكيل لائحة التجمع الوطني للاحرار واحد الراغبين في عمودية المدينة الحمراء بعدما جاه منصب نائب العمودية صغير عليه /ايام الجزولي والمنصوري/.

السيد بدا كيبيع الكاسيط فحي كيليز بمراكش. من بعد ولى سمسار صغيور. في ظروف ما اقترب من دوائر القرار فكانت بداية الترفيحة. اول ترفيحة دارها كان مع اقامة خلف مقهى تابعة للطاهر لخلج بشارع محمد السادس. في هذه الاقامة اللي كانو فيها مشاكل وكانت تدخلات باش تتحل ولى وكيل تجاري. كراداوه من سمسار لوكيل تجاري باش يبيعها. كانت العمولة مزيانة.

البنين جاه العقار بنين بزاف. مراكش كانت ما عرفاتش هاديك الفترة الفورة لكبيرة للعقار. دخل للسياسة ولا كالو ليه دخل للسياسة. كانت مراكش سايبة اللي دخل للسياسة ترفح وبزاف. بدا مع جبهة القوى، ترشح وولى نائب رابع للعمدة الجزولي ودخل لمجلس المستشارين. القعار محيح هاديك الساعة فمراكش. كلشي ضرب يدو ومول الكاسيط اللي ولى سمسار ولى مستشمر فالعقار.

في مرحلته كان مشروع تامنصورت. الناس اللي شراو الهكتار ب5 الاف درهم باعوه بعشرة الملايين وحتى ثلاثين. فهاد المرحلة كانت قضية “سيتي وان” الفضيحة.

البنين وجد نفسه رفقة عمر الجزولي البرلماني و العمدة السابق ونائبه الأول حينها عبد الله رفوش المعروف ب”ولد العروسية”، موضوع التحقيقات التي باشرها قاضي التحقيق المتخصص في جرائم الأموال باستئنافية مراكش، الذي استمع لإفادتهم في إطار التحقيق التمهيدي والتفصيلي بالقضية المعروفة ب”فضيحة العمدة ونائبه” أو قضية” سيتي وان” والتي تم بموجبها تغريم مالية الجماعة بحوالي 9 مليار سنتيم لفائدة عبد العزيز البنين، وما كشفت عنه القضية من حقائق ووقائع صادمة. القضية مازال ما تحسماتش.

السيد ولى مستشمر كبير شوفو غير لائحة املاكه لكثيرة اللي كتنشرها كود حصريا بالاضافة الى بيت بماربيا جنوب اسبانيا وعندو استثمارات في افريقيا اللي كيشغل منصب القنصل الشرفي لها بمراكش.

للاشارة راه عندو حزب العدالة والتنمية هو الحليف القريب منو. بينو وبين بنسليمان برلماني حزب المصباح تجارة وبيع شرا ماشي غير السياسة. اخرها مقهى لوبو اللي شراها بنسليمان.

السيد اللي ولى ساكن فقصر بالنخيل ما باغيش يبقى فهاد البلاصة. السيد ناوي يكبر ويراكم الثروة، نموذح للترفيحة بعد الدخول الى السياسة.

رابط المقال الخاص بقضيته والجازولي