عفراء علوي محمدي- كود//
أيدات استئنافية أكادير الحكم الابتدائي الصادر فحق الناشط الفيسبوكي والصحافي رضى الطاوجني، بحيث حكمات عليه بشهرين دالحبس وغرامة ديال 5000 درهم.
وكانت النيابة العامة فعاصمة سوس تابعات الطاوجني بتهم “وضع صفائح مزورة على مركبة، وانعدام التأمين، وحيازة بضاعة خاضعة لرسوم غير مبررة، وحيازة رخصة سياقة غير مناسبة للطوموبيل اللي كيسوكَ”.
وتم توقيف الطاوجني ف26 يونيو الماضي، وتوضع رهن الاعتقال الاحتياطي.
وبقل من هذشي، تمت متابعة الطاوجني فحالة سراح بتهمة “انتحال صفة مهنية ينظمها القانون وخرق حالة الطوارئ الصحية”، بعدما كان سافر من أكَادير لمنطقة تامري بدون رخصة ديال التنقل، من اجل تصوير روبورتاج على ندرة المياه فسد مولاي عبد الله فالمنطقة.
وكانت توضعات ضد الطاوجني شكايات أخرى من طرف مسؤولين بارزين فجهة سوس ماسة.
