03/05/2024 20:20
عبد النباوي: 114 مقرر قضائي صدر من غرف “غسل الأموال” وها كيفاش انخرطنا فالمنظومة الوطنية لمكافحة الفساد بتعليمات من سيدنا
كود- عن Le Figaro – أ ف ب//
غيمكن لاي مواطن صبليوني يبدل سميتو والجنس ديالو بلا مايحتاج لتقديم تقارير طبية أو الخضوع للعلاج الهرموني، إلى صادقات الحكومة الصبليونية على واحد مشروع قانون جديد.
وغيمكن لأي واحد عندو الجنسية الإسبانية، ابتداء من 16 العام على الأقل، او حتى 14 العام فبعض الحالات، يولي قادر، من خلال طلب صغير، يختار الجنس ديالو فسجل الحالة المدنية، وهذشي إلى تعتمد مشروع قانون نهار الثلاثاء 29 يونيو من طرف البرلمان، وهو المشروع اللي قدماتو حكومة بيدرو سانشيز اليسارية.
هذا المشروع، اللي خلق توتر قوي بين الاشتراكيين والحزب اليساري الراديكالي بوديموس، غيرجع اسبانيا وحدة من بين الدول القليلة فأوروبا اللي كتسمح بتقرير الأفراد لمصيرهم على مستوى الجنس.
وأكدات وزيرة المساواة إيرين مونتيرو، فمؤتمر صحفي بعد مجلس الوزراء، أن المشروع “كيضمن المساواة الحقيقية والفعالة للأشخاص العابرين جنسياً” ، و”حقوق مهمة كاملة لشعب LGTBI المنتهكة حاليًا في بلدنا”، حسب تعبيرها.
وحسب نسخة من المشروع اطلعات عليها وكالة الأنباء الفرنسية، “كيمكن لأي واحد عندو الجنسية الإسبانية ووصل ل16 لعام أو كثر، يطلب تصحيح لجنسو وتسمو المسجل في سجل الأحوال المدنية”.، وهذشي دون الحاجة إلى تقديم تقارير طبية أو الخضوع للعلاج الهرموني.
وزادت مونتيرو ، العضوة ف”بوديموس”، : “حنا كنعترفو بالحق فالتحديد الحر للهوية الجندرية، وحنا ملتزمين باش مايتعتبروش العابريت مرضى فبلادنا من دابا لفوق”.
التفاصيل هنا:
