كود سبور//
حافظ المنتخب الوطني المغربي للفوتسال على المركز ديالو الثامن فالتصنيف العالمي الجديد، اللي صدر اليوم الاربعاء 24 أبريل 2024.
واحتل المنتخب المغربي للفوتسال بطل افريقيا 2024، المركز الثامن عالميا برصيد 1536، فالتصنيف الجديد الصادر عن موقع futsalwordranking اللي مكلف بإحصائيات كرة القدم داخل القاعة، فالوقت اللي بقى متصدر فيه منتخب البرازيل التصنيف العالمي ومن وراه منتخب اسبانيا الثاني والبرتغال الثالث.
وقدر المنتخب المغربي للفوتسال يربح كاس إفريقيا للمرة الثالثة فالتاريخ ديالو، بعدما فاز على منتخب أونگولا فالفينال الاحد اللي فات فالرباط، ودابا مركز على كاس العالم فأوزبكستان فشتنبر الجاي.
