الرئيسية > تبركيك > ابتدائية الرباط أجلات النظر فدعوى المحامين ضد “قهوة نص نص” حتى للأربعاء
03/05/2021 17:50 تبركيك

ابتدائية الرباط أجلات النظر فدعوى المحامين ضد “قهوة نص نص” حتى للأربعاء

ابتدائية الرباط أجلات النظر فدعوى المحامين ضد “قهوة نص نص” حتى للأربعاء

عفراء علوي محمدي – كود//

قررات المحكمة الابتدائية فالرباط تأجيل النظر فدعوى المحامين ضد سيتكوم “قهوة نص نص”، حتى للاربعاء 5 ماي، من أجل التأمل.

وكان سبق محمد الكصي، المحامي بهيئة الرباط، دار دعوى استعجالية ضد الشركة الوطنية للإذاعة والتلفزة بسباب السلسلة اللي كتدوزها القناة الأولى بعد الفطور مع السبعة وربع، بتوكيل من المحامي عمر الداودي.

وفشكايتو، اللي حصلات “كود” على نسخة منها، قال المحامي أن السلسلة “كتضمن عدة مشاهد تسيء لسمعة مهنة المحاماة، بإظهار إحدى الممثلات المسماة “بديعة الصنهاجي” وهي لابسة بذلة المهنة فالقهوة وكتسول الزبائن والموكلين، وشي مرات كتعطي استشارات قانونية فالقهوة النيت وكتعطي ليكارت فيزيت”.

و”الهاكا”، فبلاغ ليها لبارح، استنكرات هذ الدعوى، على اعتبار أن حرية الإبداع الفني حق مضمون دستوريا، “كما كرسها القانون رقم 77.03 المتعلق بالاتصال السمعي البصري والقانون رقم 11.15، المتعلق بإعادة تنظيم الهيأة العليا”.

واكدات أن “التمثيل النقدي لمهنة معنية في عمل فني سمعي بصري لا يشكل قذفا، كما هو معرف قانونا، ولا قصد إساءة، بل هو مرتبط بحق صاحب العمل في اعتماد اختيارات فنية معينة”.

موضوعات أخرى

08/05/2021 10:30

حين تتحول دولة اوروبية إلى مافيا. الصحافي اگناسيو صامبريرو كيعاود كيفاش خاطرات اسبانيا بعلاقاتها مع المغرب ودخلات ابراهيم غالي بشكل مزور – القصة الكاملة

08/05/2021 10:00

كيفاش هاد القضية ف زمان كورونا وحالة الطوارئ الصحية؟.. المئات من أتباع الزاوية التيجانية وصلو لفاس باش يدوزو ليلة القدر

08/05/2021 09:30

من غير لاكريز مع المغرب. ازمة داخلية فالصبليون على استقبال غالي. المخابرات ديالهم ما فراسها والو وكلشي نسقاتو وزيرة الخارجية ووزير الداخلية وفخبار مخابرات الدزاير