أنس العمري-كود///

قضية مطعم السقالة فيها فصل جديد. هاد الفضاء فالطريق يرجع لملك جماعة البيضاء، وذلك بعدما سبق صدر حكم قضائي كيفيد أنه من حقها تسترجع هاد الملك ديالها.

وكان مجلس مدينة البيضاء توصل بحكم قضائي يقضي بعدم قبول التعرض الذي قدمته الشركة المستغلة لهذا المرفق الجماعي بموجب عقد كراء سبق فسخه بمقرر جماعي خلال ولاية العمدة السابق محمد ساجد إلى جانب أربعة عقود أخرى.

وأمس الأربعاء، المحكمة الإدارية فكازا قضت، في حكم أولي، بأن هاد الملف من اختصاصها للبت فيه في مواجهة رئيسة مجلس جماعة البيضاء، وبالتالي حسمت، من حيث الشكل، في هذه القضية، لي كان هناك دفع باش تمشي لمحكمة الرباط، يضيف مصدر “كود”.

وحددت الهيئة المذكورة، يوم 5 أبريل المقبل، كموعد لعقد جلسة النظر في الملف، على أن يستدعى إليها كافة الأطراف.

دابا هاد الحكم بدد كاع آمال الشركة المستغلة باش تبقى مكوشة على ها الفضاء، ولي المسؤولين عليها ما ساخينش ببزولة كراءه ب 750 درهم ، وهو كيدخل فالنهار أكثر من 20 ألف درهم، ودايرين كاع لي فجهدهم باش يبقاو مستافدين منو.