كود كازا//

ادريس لشكَر، الكاتب الأول لحزب الاتحاد الاشتراكي للقوات الشعبية، داير مابغا وخارق القانون بالعلالي، لبارح الأربعاء دار اجتماع قدو قداش حضرين فيه العشرات فسطات، وماكاين لا تباعد لا كمامة لا هم يحزنون، غير الزحام والاكتظاظ.

وفالوقت اللي الإصابات بكورونا طالعين بزاف هذ الأيام، وبانت السلالة الجديدة فبلادنا وتقاسو بيها الناس، لشكَر مامسوقش ، وجامع الاتحاديين والمنتخبين دسطات استعدادا للحملة الانتخابية، ضاربا عرض الحائط كَاع القوانين اللي كتمنع التجمع فهذ الفترة الوبائية الحرجة اللي كتمر منها بلادنا والعالم كلو.

وهذا ماشي الاجتماع الوحيد، لشكَر دار بؤرة وبائية محتملة حتى مع منتخبين برشيد قبل، بلا كمامات أو تعقيم أو تباعد، ونفس السيناريو تكرر دابا عاوتاني، وهو اللي كيشكل تهديد حقيقي لصحة المواطنين، وضع حياتهم فخطر كبير، فخرق مفضوح للقانون.

غير هذي أيام عطات اللجنة المحلية للإنتخابات التزكية لولد لشكَر، لحسن لشكَر، كوكيل للائحة الحزب فاليوسفية فالانتخابات الجاية.