كود هناء ابو علي ///

اليوم كتب واحد ديزاينر اسمو هشام لحلو تدوينة باللي كان ليه الشرف يتلاقى مع سعيد امزازي وزير التربية الوطنية والتكوين المهني والتعليم العالي والبحث العلمي بالمغرب. قال باللي هدر على اهمية الديزاينر وشي هدرة خاوية ديما كيعاونها.

دابا واش اللي جا يتلاقى مع لوزير٬ يتلاقى بيه. ما كاينش شي حد يوجد للوزير ويقول ليه شكون هادا.

هاد السيد اللي مزوج بفرنسية٬ كيدافع على فرانسا كثر من بلادو. راجل مديرة المركز الثقافي الفرنسي فكازا كان دار تدوينة فغشت 2020 سب البلاد. قدمها بصورة سلبية. دارت “كود” مقال فديك اللحظة. مبدئيا من حقو يقول اللي بغى هاد العنصري٬ غير وكان هاد هشام لحلو دار ليه جيم وعجباتو هدرتو. اييه

واش ماشي شوهة وزير يتلاقى مع شخص بحال هاد لحلو. صايب براد عوج دار راسو ديزايرن. فين ما مشى كيهدر على راسو بواحد النرجسية كبيرة وزايدة ما عاجباهش لبلاد اللي عايش فيها مبرع. وراها شوهة يلقاه وزير فالحكومة