كريم الصوفي – كود//
قالت صحيفة الخميني داجبلاد الهولندية، أن المغاربة اللي كيقراو ف أوكرانيا مبقاوش موضع ترحيب ف مراكز الاستقبال البلدية اللي دارتها السلطات لفائدة اللاجئين من أوكرانيا وهاذ الشي بسباب صحاب البروفيتاج.
وأشارت اليومية الهولندية نقلا عن دير مركز استقبال في أيندهوفن، أن بزاف ديال الطلاب الأجانب من دول العالم الثالث، اللي باغين اللجوء، كيقولو أنهم كيقراو ف جامعات كييف ولكن مكيتكلموش بالانجليزية وحتا لوراق اللي قدمو يمكن ماشي صحيحة وعددهم كيتزايد وهاذ الشي كيدخل الشك..
اللي باين هو أن التسجيل كلاجئ من أوكرانيا كيمنح اللاجئين إمكانية الوصول إلى فرص أكثر من طلب اللجوء التقليدي، وهاذ خلا الناس اللي معندها علاقة ب القراية وحاركة تماك كتحاول تستغل الفرصة وهاذ الشي غادي يحرم الطلاب اللي كيستحقو فعلا.