نجوى المالحي- كود//
من بعد ما وقفات فرقة “إيموراجي” قرر الكوميدي رشيد رفيق يدير حتى هو قناة في يوتوب وبدا يلوح فيها الفيديوهات باش يدور شوية ديال الصرف.
رشيد رفيق كان كيلوح الفيديوهات ولكن لبارح قرر يعلن عليها رسميا على حسابو في انستكَرام، وقال أنه غادي يبدا يلوح فيديوهات عندهم علاقة بالسفر والسياحة.
رشيد رفيق استغل الموهبة الكوميدية لي عندو باش يروج للسياحة الداخلية، وأول فيديو نشرو كيوثق لرحلة لمدينة طنجة بالبراق.
