أسماء غربي -كود//
المغنية منال بنشليخة دارت أغنية جديدة كتدوي فيها على راسها وعلى العياقة لي كينتاقدوها المعجبين ولا ماشي معجبين.
الفيديو كليب شارك فيه راجلها منصف جسوس وصحاباتها، وصووره في مراكش وكالعادة فيه بزاف ديال الستيلات والألوان. ولكن من التعاليق في اليوتوب بان أن بزاف ديال الفانز معجبهمش الكليب، وكانو كيتسناو شي حاجة أحسن من بعد النجاح ديال “slay”.
وكانت منال دارت الصداع بعدما قالت للمتتبعين ديالها يا تفاعلو معايا يا خرجو من انستكَرام معندي مندير بيكم، ومن بعد الاتهامات بالبلاجيا.