كريم الصوفي – كود//
قالت تقارير اخبارية، أن مكتب المدعي العام بمحكمة لاس بالماس طلب سجن متهم من أصل مغربي ب 17 عام ديال الحبس وأداء وغرامة قدرها 720 يورو بسباب سرقة امرأة واغتصابها بشكل وحشي.
الواقعة طرات ف 17 ديسمبر 2014، بعد ما طلب المتهم رقم هاتفي للخدمات الجنسية وجات عندو عاملة جنس، واختلفو على الدفع المسبق للخدمة وظروف إضاءة البلاصة للي غادي يمارسو فيها، وبعد رفض العاملة الجنسية ومحاولتها مغادرة غرفة المتهم، جبد عليها مقص واغتصبها وشفر ليها 300 يورو من الصاك ديالها.
دابا كيواجه تهم بارتكاب جريمة اعتداء جنسي والتسبب ف جروح للضحية والسرقة مع استعمال العنف وكتسناه 17 عام ديال الحبس وأداء تعويض للضحية بمبلغ 9500 يورو عن الأضرار المعنوية والأموال المسروقة والإصابات اللي تسبب فيها.
https://www.laprovincia.es/las-palmas/2021/11/14/hombre-enfrenta-17-anos-prision-59531083.html
