كود كازا ///
علمت “كود” ان عبد اللطيف وهبي الامين العام لحزب الاصالة والمعاصرة لحق رسميا البارح لثلاث 28 دجنبر 2021 جوج اعضاء جداد بالمكتب السياسي للحزب.
يتعلق الامر بكل من المهندس الخبير فالطاقة يونس معمر اللي كان مدير عام للمكتب الوطني للكهرباء ومحمد بنعيسى وزير الخارجية الاسبق وعمدة اصيلة وعرابها.
البام جابو جوج بروفيلات مختالفة جذريا لقيادة التراكتور.
معمر كان كتب قبل الانتخابات بوست فصفحتو على الفايسبوك شرح فيها علاش غادي يصوت على “البام”. فيه اختيارو لهاد الحزب اللي كان غادي يترشح باسمو فالانتخابات الجهوية بالدار البيضاء.
العضو الجديد فالمكتب السياسي قال باللي هادا “حزب شاب بحالو بحال غالبية سكان المغرب”، واكد باللي غادي يساهم بتواضع فهاد التجربة الجديدة لهاد الحزب.
