وكالات //
واخا هذ المرة كان راد البال وطالع غير بالشوية، الرئيس الأمريكي جو بايدن تعكل عاوتاني وهو طالع للطيارة، اللي غتديه لولاية بنسلفانيا لإطلاق خطة للبنية التحتية بميزانية 2 تريليون دولار.
وحسب فيديو صور اللقطة كاملة، بايدن بان تعكل لكن ماطاحش بحال المرا اللي فاتت، واللي خلاه يتعكل هذ المرة واخا راد البال هو أنه الشتا اللي كانت كتطيح، وعاد كان هاز معاه المظل اللي بان مديرونجيه، والشكارة، وتعكل غير شوية قبل ما يوصل للطيارة.
وهذ الفيديو كتذكر بالفيديو اللي تنشرات قبل 2 سيمانات وعرفات تداول واسع، ديال بايدن اللي بان طالع للطيارة وتعكل فالدروج 3 دالمرات حتى طاه على ركابيه.
فيديو بايدن هنا:
President Biden boards Air Force One en route to Pittsburgh
pic.twitter.com/LKooh1YMLJ— Daily Caller (@DailyCaller) March 31, 2021