كود كازا ///

يونس مجاهد رئيس المجلس الوطني للصحافة دار حوار مع “ماروك ايبدو” هدر فيه على مستجدات قطاع النشر مع قرار وزير الشبيبة والرياضة والثقافة اللي مازال عندو قطاع الاتصال اللي قرر يعلق النشر والتوزيع. طبعا هدر على امور اخرى عندها علاقة بالمجلس.

مجاهيد باش سولاتو “ماروك ايبدو” على موقف المجلس من هاد القرار رد بوضوح ” على المستوى القانوني الوزارة ما عندها علاش يستاشر معانا”.

ناض مستشار عبيابة واسمه خالد الشرقاوي السموني وقال “تصريح يونس مجاهد، رئيس المجلس الوطني للصحافة، الذي يعد هيئة غير دستورية، بخصوص عدم استشارة الوزارة للمجلس قبل الدعوة إلى تعليق إصدار ونشر الجرائد، ” غير مؤسس من الناحية القانونية “.

واش كيفهم الفرنسية ولا هاد المستشار بحالو بحال وزيرو ما كيفرقش بين كورونا وكورونيا.

المستشار قال “بالرجوع إلى القانون رقم 90.13 القاضي بإحداث المجلس الوطني للصحافة ، و لا سيما المادتين الثانية والثالثة منه ، نجد أنه من بين اختصاصات المجلس إبداء الرأي في شأن مشاريع القوانين والمراسيم المتعلقة بالمهنة أو بممارستها، وكذا في جميع القضايا المعروضة عليه من لدن الإدارة “.

ودابا واش ماشي من حق شي مؤسسة تكون ضد قرار تعليق نشر وتوزيع الصحف راه اهانة لبلاد كلها تتحرك. راه اسبانيا وايطاليا اللي فات القتلى عندهم 4 الاف كل دولة بهاد الفيروس وما منعوش الصحف.

كل مرة كيبين هاد الوزير وحتى اللي معاه باللي بينو وبين الكفاءة غير الخير والاحسان. شوهة وصافي