عفراء علوي محمدي- كود//

كشفات تقارير صحفية L’Equipe أن البوليس ففرانسا في مدينة angers استدعاو الجزائري فريد الملالي، لاعب فريق “SCO” الفرنسي، باش يحققو معاه، بعدما قدمات بنت ضدو شكاية، كتقول فيها أنه مارس عليها العادة السرية قدام الشرجم ديال دارهم، وهذشي تكرر مرات كثيرة، فمنتصف شهر أبريل اللي فات.

ديجا ملالي كان متورط فتهم ديال الإخلال بالحياء العام، وتم اعتقالو عليها فماي اللي فات، بعدما كانو الجيراة ديالو تقدمو بشكاوى ضدو، كيتهموه فيها بممارسة العادة السرية فالحومة، وقدام الناس، وبالتالي هذي ماشي أول مرة تتم متابعة المعني بالأمر بهذ التهمة.

Farid El Melali visé par une deuxième plainte pour exhibition sexuelle

Selon une source judiciaire, ces faits seraient légèrement antérieurs à ceux de la première affaire, qui était intervenue le 4 mai https://t.co/7qpgTdBqEY pic.twitter.com/fCRaPdIOSl

— L'ÉQUIPE (@lequipe) July 8, 2020

وبناء على المادة 32-222 من القانون الجنائي الفرنسي، ملالي كيتسناه الحبس لعام كامل، وغرامة ديال 15 ألف أورو، وهي العقوبة ديال تهمة “ممارسة العادة السرية قدام الناس فالفضاء العام”.

وكان سبق للاعب الجزائري الدولي اعترف بالمنسوب ليه، وأكد جميع الحقائق اللي كتعود لشهر ماي، واعتذر من الفريق ديالو، وهذشي كان قالو الرئيس التنفيذي ديال الفريق، فابريس فافوتو بون، فتصريح سابق للصحافة على هذ القضية، ولو أنه فالمقابل عبر على عدم قبولو بها: “حنا سمعنا اللاعب كيقدم الاعتذار ديالو، وطبعا هذ النوع دالسلوكات ماكيتوافقش مع قيم النادي، وحسن السيرة اللي باغينها تكون فاللاعبين ديالنا، كمثال يحتدى به”.