اسماء غربي – كود//

لبنى أبيضار طيحات الحمل ديالها، ايام بعدما علنات على حملها من راجلها الجديد.

وقالت الممثلة، على حسابها ففيسبوك اليوم الأربعاء، أنها فقدات الجنين ديالها في الفجر.

وكتبات أبيضار فالتدوينة ديالها: “البارح بليل عشت الجحيم لحقيقي لأن الحمل ديالي طاح، نزلت الجديدة مع ثلاتة دصباح لسبيطار وفيقوا ليا طبيب ملاك من السماء. خدم طبيب ولادة وطبيب نفسي ورجل مغربي شهم هنيأ لمدينة الجديدة بالطبيب الشاب انس بن جلون لي أنا والزوج ديالي كنشكروه بزاف بزاف…وحنى الله يعوض علينا خير……والمرة الجاية إلى حملت مغاديش نقولها ليكم حتى نولد. #لبنى_لحنونة”