كود تاونات//
الاستقالات وطلبات الإعفاء مزال تتوالى بوزارة الصحة. عدد كبير من الأطر الصحية المشهود لها بالكفاءة مابقاتش باغية تخدم مع الوزير الوصي على القطاع، خالد آيت الطالب، وكان آخر واحد المسؤول الأول على القطاع بإقليم تاونات.
ووفق ما كشفت عنه مصادر “كود”، فإن هاد المسؤول اطلب من الوزارة باش تعفيه من المهام ديالو، واستغربت المصادر من إقدام هاد المسؤول على توجيه هاد الطلب، سيما أنه عاد تعين فهاد المنصب هادي أشهر قليلة خلفا لمندوب كان تعفى من المهام ديالو.
مصدر آخر مقرب من المسؤول المذكور أوضح أن السيد عيا صحيا بزاف، خاصة وأنه يدبر إلى جانب مهامه “يدبر” شؤون المستشفى الإقليمي.
