26/04/2024 12:16
تعليمات خاصة من الكاف لمراقبة الصغيرة والكبيرة فديبلاصمون اتحاد العاصمة للمغرب تفاديا لتزوير الحقائق وكذوب الكابرانات
نجوى المالحي-كود//
الفنان المصري عادل إمام كان ضيف في برنامج “أيوة أنا مشهور” لي داز فيناير هاد العام، ودارو ليه الاعادة نهار الجمعة في قناة mbc، وعاود على التحركات ديالو ملي كيكون خارج مصر.
وقال عادل إمام أن التحركات ديالو في المغرب كتكون في موكب رسمي، قبل ما يؤكد أنها كتكون في “موكب ملكي”. واسترجع كيفاش كان في العراق من أجل عرض فيلم ديالو ووقفو عليه حراس بالسلاح باش يحضيوه وهادشي معجبوش ورفض، وقال “باش ينزل الحارس من حدا راسي كان خاص موافقة صدام حسين، وفي الأخير وافق وبقيت حر”.
وأكد عادل الامام أن كانت عندو علاقة زوينة مع الملك الراحل الحسن الثاني ومازال الى يومنا هذا كتجمعو علاقة مزيانة مع الملك محمد السادس.