نجوى المالحي-كود//
عبد العالي لمهر لي معروف باسم “طاليس” ماقاداه فرحة بعدما وصلو الدرع الذهبي من عند يوتوب حيت وصلات لاشين ديالو لكثر من مليون متابع.
طاليس لي عندو فرقة “ايموراجي” خدم مؤخرا بزاف في يوتوب، بسلسلة “فاتي وصلاح” مع فدوى الطالب، بعدما تفرتك للفرقة الشمل وكل واحد ضبر على راسو وختار يشد طريقو بوحدو.
في زمان كورونا طاليس ورباعتو مبانوش في التلفزة بعدما كانو العام لي فات شادين كَاع القنوات،خاصة في رمضان، وكان الحل الوحيد ديالو ودياب بزاف من الفرقة هو الفيديوهات في اليوتوب باش يضبرو على مصيريف ويحافظو على سميتهم وسط جمهورهم.
