نجوى المالحي-كود//
الفنانة التشكيلية زينب بنيس علنات رسميا على خبر استقرارها في اسبانيا، تحديدا في مدينة برشلونة.
واختارت بنت البطلة المغربية نوال المتوكل تعلن على الخبر من خلال فيديو حطاتها في حسابها على انستگرام، وقالت أنها مكتحسش براسها كاملة في المغرب، ومكتفكرش أنها ترجع بشكل نهائي.
واضافت انها خدات برطمة لي غادي تستقر فيها ووجدات كَاع الأمور لي خاصها وكان المفروض تكون في الصبليون حاليا لكن مع كورونا وتوقيف الرحلات ممشاتش.
وأكدات زينب بنيس أنها غادي تمشي باش تقرا، وقالت انها ديجا تسجلات في مدرسة باش تزيد تقوي المعارف ديالها في المجال الفني والتشكيلي.
