كمال لمريني – كود وجدة //

طيحو الجدرامية ديال قرية أركمان اللي تابعين لسرية زايو والقيادة الجهوية ف الناظور، اليوم الخميس، صيد ثمين، حيت حطو يديهم على حراكَ مسمينو صحابو الـ”جنرال” وعدد آخرمن الحراكَة معاه، وكلهم من دول إفريقية جنوب الصحرا. هاد المجموعة هوما اللي كايعطيو “التعليمات” للمهاجرين اللي كاينين ف غابة “كوروكو” باش يهجمو على كَرياج مدينة مليلية المحتلة.

وذكرت مصادر لـ”كَود”، أن المهاجر اللي معروف بسمية الـ”جنرال” ف صفوف الحراكَة، تشد بعدما كانو الجدرامية كايتصنطو لحوالي 40 مهاجر آخرين ف مركز التخييم بقرية أركمان.

وأفادت المصادر ذاتها، أن الأبحاث والتحريات باقيا مستمرة مع المعنيين بالأمر، ف انتظار شنو غاتكشف عليه التحقيقات اللي خدامين عليها الجدرامية.

بقية التفاصيل غادي تنشر على موقع “كَود” لاحقا.