كود سطات//
في سابقة من نوعها، تضمن محضر مناقشة اطروحة دكتوراه بعنوان “معيقات الاصلاح الاداري والمالي في المغرب: بين النص والممارسة”، تحفظ استاذين جامعيين، بكلية الحقوق بسطات.
مصادر “كود” كشفت بأن الاطروحة خدات ميزة مشرف جدا، مع طلب تصويب وتجويد بعض مضامين البحث.
مصدر حضر للمناقشة قال بأن جوج اساتذة تحفظو على مضامين فيها اساءة لمؤسسات الدولة، لكن ثلاثة وافقوا عليها واعتبرو الاطروحة مزيانة.
والتبرگيگة لي جابت “كود” هي الرفض ديال واحد استاذ موراه صراع كبير على منصب العمادة، ومنذ مدة شي كيحفر لشي وصراع بين الاساتذة ومدخلين الطلبة فهاد المعمعة.
استاذ جامعي هضرت معه “كود” قالي بلي خاص النقاش يبقى في حدوده العلمية ومخصش تدخل السياسة فهادشي ولا الصراع على العمادة، مشددة انه غايواكب الاطروحة ديال الطالب زكرياء مسامح، حتى يتم تصويبها وطبعها.
الطالب بدوره معروف انه كان مسؤول نقابي ف فصيل التجديد الطلابي، كان مع البي جي دي، دبا بعد.
كلية الحقوق ف سطات فيها حروب وصراعات على المناصب مكتقضاش.
الاطروحة هضرات ف القسم الثاني على اجهزة الرقابة، فحال مجلس جطو والبرلمان والمفتشيات..ودار مقارنات فيها مضامين كيعتبرها بعض الاساتذة فيها اساءة للمؤسسات.
حسب معلومات “كود” هو ان القضية فيها مرشح سابق للعمادة كان عندو صداع مع اساتذة وكان متهم بالسرقة.
