وكالات-كود//

متخصصون قالو أنهم كلما كان العرسعادي وبثمن قليل كيدوم الزواج كثر، وكلما كان بالفلوس بزاف العرسان كيطلقو بكري.

هاد الاستنتاج دارو أستاذة الاقتصاد أندرو فرانسيس تان، وهوغو إم ميالون بعدما قامو باستطلاع 3000 شخص متزوج ولقاو أن هناك بعض الخصائص لي كتزيد من احتمال الطلاق.

الدراسة قالت أن الفلوس لي كيخسر الكوبل على الخاتم والعرس عندو ارتباط عكسي على مدة الزواج.

الباحثون لقاو أنه كلما زاد خسران الفلوس زاد احتمال ال

طلاق خاصة ملي كتوصل تكلفة الخاتم إلى أكثر من 2000 دولار.

وينطبق الشيء نفسو على تكلفة حفلات الزفاف، وملي تكون تكلفة العرس أقل من 1000 دولار، كيكون انخفاض كبير في احتمال الطلاق.

في حين ملي كتكون حفلات الزفاف تكلفتها أكثر من 20 ألف دولار، كيكون هناك زيادة في احتمال نسبة الطلاق بنحو 1.6 مرة.