كود سبور//
مداخيل الديربي المنفي اللي تلعب البارح الاحد في مراكش وعرف فوز الوداد وحضور جماهيري ضعيف بزاااف سجلات رقم قياسي سلبي في تاريخ لقاءات الديربي بين الغريمين.
الماتش اللي قاطعاتو ألتراس الفريقين عرف حضور 11600 متفرج صافي، واخا مكتب الرجاء طبع تقريبا 29 ألف تذكرة.
ومن بعد خصم تعويضات التنظيم من مصاريف شركات الأمن الخاص والبوليس والحكام والشركة المكلفة بتسيير ملعب مراكش الكبير مغادي يبقا لمكتب الرجاء تقريبا شي 25 مليون سنتيم.. فضيحة بكل المقاييس.
