كود كازا//
مغربي فالطاليان اختار الحل الدموي بلش يسالي مضاربة ديالو مع مراتو بضواحي مدينة بادوفا. هاذ الشي وقع الثلاثاء الفايت وجميع وسائل الإعلام الإيطالية نشرات خبر هاذ الواقعة المأساوية اللي جرت قدام اطفالهما الثلاثة.
هاذ الكوبل مولفين حسب تقارير، يضاربو ويتناقشو والضحية دايما كانت كتعرض للتعنيف. هاذ المرة المتهم متحكمش فراسو ومسك موس ديال الكوزينة وطعن مراتو طعنات قاتلة في صدرها وعنقها وغير تأكد من وفاتها عيط على البوليس واعترف بكلشي..
