كود – وكالات//

حذر المكتب الإقليمي لمنظمة الصحة العالمية لإفريقيا من خطر حدوث موجة جديدة لفيروس كورونا فالقارة، حيت معطلة فحملات التطعيم بالمقارنة مع باقي مناطق العالم.

وزاد المكتب فبيان ليه، أنه “بسباب تأجيل تسليم جرعات لقاحات (كوفيد 19) اللي كيديرها معهد سيروم فالهند لإفريقيا، وبطء نشر اللقاحات وظهور متحورات جديدة، مازال خطر حدوث موجة جديدة من العدوى طالع فإفريقيا”.

والمكتب قال أن إفريقيا ما كتمثل غير 1 فالمية من جرعات اللقاحات اللي كتعطى للناس فالعالم، فالوقت اللي كانت كتمثل 2 فالمية قبل شي سيمانات.

وكشف المكتل أن 41 دولة إفريقية تسلمات الشحنات الأولى من اللقاحات عبر برنامج كوفاكس من اللول ديال مارس، لكن 9 بلدان قدمت ربع الجرعات التي تلقتها، و15 دولة أعطت أقل من نصف الجرعات التي تسلمتها.