بعد حوار أخنوش للي أكد فيه بلي مكايناش سنة بيضاء.. طلبة الطب: أجلنا المسيرة الوطنية ومستعدين للحوار
كود وجدة///
حزب البام رجع كيجمع رموز الفساد، وكل محكوم فقضايا، فساد وكيجيبهوم عندو باش يقدمهوم فالانتخابات الجاية، وبعدما كانوا مؤسسين هاد الحزب باغيينو لتغيير المشهد السياسي وتجويده، رجع هو اكثر حزب كيجمع الفاسدين فالمغرب، وفينما كان شي سياسي فاسد او تلاحقه شبهة الفساد كتلقاه عندو علاقة بالبام.
لخضر حدوش المحكوم بسنيتن حبسا، مع عبد النلي بعيوي المحكوم بسنة حبسا بسباب الفساد وتبديد اموال عمومية، علن لبارح التحاقو بحزب البام.
حدوش اللي خاصو يكون دابا هو وبعيوي واحجيرة كيدوزو الحبس، وماخصهومش يدخلو للانتخابات او يقربو جهة السياسة حقاش بان انهم غير كيدخلو للسياسة كيطحنو فلوس الشعب، رجع دابا باغي يدخل غمار الانتخابات، ودخل لبام، وحسب مصادر كود، فاللي جابو للبام هو صاحبو عبد النبي بعيوي، باغيين يبقاو مجكوعين فالسياسة وتبديد المال العام وحتى فالحبس.
حدوش جا للبام حقاش كيوهموه انهم يقدرو يحميوه من القضاء ويوقفو عليه الحكم، وقال فبلاغ انضمامو للحزب انه جا “نتيجة قناعته التامة بالتدبير السديد والحكيم للسيد رئيس الجهة عبد النبي بيوي في معالجته لكل القضايا ذات الصلة بالتنمية المستدامة والهامة للجهة الشرقية”، طبعا كيقصد تنمية جيوب حدوش واحجيرة وبعيوي، حقاش حسب الشكاية الجديد لي تحطات ضد بعيوي فالسيد عندو عرام دالاتهامات فهاد الشكاية وفيها تبديد اموال عمومية مع صاحبو ابراهيم مجاهد.