كريم الشركي – كود //
اعتقلت الشرطة الاسبانية فبلدة ماتارو، جوج مغاربة فعمرهم 19 و 22 سنة، بعدما توجه ليهم اتهام الهجوم على مساكن الغير ليلا وسرقتها.
لمغاربة لي ساكنين فبدالونا، شدوهم البوليس دمتارو ف 20 من دجنبر لي فات هازين معاهم شي سلعة بالليل، وواخا مقدروش يبررو منين جابو ديك لحوايج البوليس ماقدر يوجه ليهم حتى اتهام، لأنه مكاينش جريمة اصلا، ولكن بعدما تلقى اتصال بوقوع هجوم على منزل وسرقة محتوياته بدات التحقيقات.
وهي التحقيقات لي غاتوصل قبل يومين للمغربيين، لي تلاقهوم البوليس فنفس ليلة السرقة وهوما عندهوم المسروقات.
القاضي أمر بتحويل احد المعتقلين للسجن حقاش عندو سوابق، فيما سيتم متابعة المغربي الثاني فحالة سراح.
