كود الرباط ////

البلان اللي دارو حزب العدالة والتنمية باش يبقى فالحكومة عبر ابن عرفة ويضحي بامينهم العام عبد الاله بنكيران خرج فيهم وبالارقام. فضيحة الانتخابات التشريعية الجزئية اللي دارت فالجديدة بينات هاد الشي. ماشي غير نسبة المشاركة اللي ما فاتتش 11 بالمائة وهي شوهة للديموقراطية وماشي غير مرشح المصباح اللي ما ربحش وخسر 17 الف صوت مقارنة بانتخابات سابع اكتوبر 2016 بل الحزب باش تجي دقق فبعض الارقام كيبين ليه الطايحة اللي طاح. فشي بلايص الحزب جاب تقريبا 55 صوت وهاد لبلايص جاب قبل اشهر 2500 صوت.

شفتو شحال طاح ومازال غادي ينزل حزب العدالة والتنمية