كود هناء ابو علي /////

كتب الباحث عبد اللطيف اكنوش في تدوينة له على الفايسبوك على اللبسة الجديدة للبوليس. وقال “الكسوة الصيفية الجديدة ديال البوليس زوينة ومأنتكة وإيفولكي، لا في الشارات، لا في اللون، لا في كولشي…آيييه…باستثناء الكاسكيطة ماحملتها، ماقبلتها”.

واضاف “ولكن آخويا الكسوة الشتوية، راني ماحمـــلتها، ماقبلتها”.

واضاف “مهشكرة، وواسعة، وما كاتفاجيش الكًلب، لا ديال المواطن للي كايشوف البوليسي في الزنقة، ولا واقيلا حتى البوليسي ما مرتاحش فيها نفسيا…والقوادة ديما في ذيك الكاسكيطا ديال الويل…
اكنوش تحدث عن اللباس “مللي كانشوف البولسي في الزنقة، كايحساب ليا شي مـــكًـــممل ديال “السيكيريتي بريفي”…ومن المنتظر أن “صحاب السيكيريتي بريفي” يبداو ينصبو بيها على المواطنين من هنا للقدام، ماعرفتي، راه المغاربة هاذو!!”

وختم اكنوش بنداء قال فيه “ها العار وها حجر العافية، إيلى ماتعاودو “الديزاين” ديال هاذ الكسوة…راه لا نخوة، لا هيبة، لا زين، لا مجي بكري…الأمن المغربي يستاهل كثااااار من هاذ الشي!! بيزووووووووووو