29/04/2024 21:30
الجيش الجزائري دار مجزرة فحق شباب من مخيمات تندوف كانوا كينقبوا على الذهب
هناء ابو علي ////
حزب الاتحاد الاشتراكي نزل للحضيض اللي ما يمكنش شي حد كيتصورو هادي عام. وصل لمستوى فات بسنوات ضوئية الاحزاب الادارية. فات احزاب تسير من الخلف وعارف كلشي شكون يسيرها وعلاش دارت.
الاتحاد الاشتراكي ماشي غير فقد مصداقيتو بل شوه تاريخو النضالي. شوه تاريخ شخصيات قدمت للمغرب خدمات كبيرة. شوه امجاد بوعبيد وبنبركة.
ماشي غير قبل يدخل للحكومة بزز وهوا يالله جايب 20 مقعد بل قبل يخلي حزب التجمع الوطني للاحرار اللي كان كيسميه غير هادي سنين صنيعة …. وحزب….. وكلشي الاسماء السلبية
كيفاش دوز هاد الحزب ليلة السبت وهو كيشوف ادريس لشكر حالتو حالة واقف بلا حيا بلا حشمة لا عراض مع احزاب اخرى للاعلان عن التحالف الحكومي.
حزب شوه راسو ساهم فتوجيه ضربة اخرى في الطريق لاغتيال الديموقراطية الفتية اللي ناضلو عليها شخصيات كثيرة وكانت مساهمة اتحاديين مهمة فهاد البناء.
