كود : أسماء غربي///

وزارة العدل والحريات وبدون الحديث عن مضمون المراسلة الفضيحة لي دارها الوزير فآخر أيامه على رأس الوزارة دارت فضيحة أخرى متعلقة بتضمين الايميل في المراسلة.

اولا ديك المراسلة لي دارتها الوزارة كارثية حقاش كان خاصها طالب النيابة العامة بتحريك تحقيقات فأي مقال متعلق بالفساد، ولكن حقاش ماكاينش حريات ومسؤولية تليها محاسبة راه خاصنا نستناو اكثر من هادشي لي دار لوزير.

من غير هادشي الوزارة حطات الايميل ديال التراسل فآهر المراسلة، والفضيحة أن وزارة بحجم وزارة العدل مازال ماعندهاش إيميل خاص وكتستعمل مازال هدمة ياهو، يعني هاد الناس متعلموش من فضيحة كريس كولمان والتسريبات لي دار زادو كيحطو الايميل وكيقولو للمخترقين ها حنا ختارقونا وخودو كاع الاسرار المهنية لي تلقاوهوم فالايميل!!.