كود الرباط ////

لم يفاجئ ديبلوماسي مغربي متقاعد في تصريح ل”كود” بموقف السويد بخصوص الاعتراف بالبوليساريو. الديبلوماسي الذي عمل في احدى الدول الاستكندنافية قال ل”كود” ان الحزب الذي وصل الى الحكم السنة الماضية له موقف معروف من القضية منذ سنوات “كان حزبا صغيرا ولم يتوقع ان يربح الانتخابات”. مصدر “كود” اضاف معطى اخر يهم ديبلوماسيتنا “ان يعترف حزب مثل هذا بالبوليساريو فهذا امر منتظر لكن غير المنتظر ان هو لا يعين المغرب سفيرا له في السويد منذ تعيين بوشعاب يحضيه على رأس ولاية جهة العيون الساقية الحمراء. هاد الديبلوماسي خدم فظروف صعبة للغاية ونجح فمهمتو وما كانش الاعتراف ولكن من بعد باش جا مزوار بقات الساحة خاوية للبوليساريو. اذن المسؤولية يتحملها مزوار والخارجية لان السفارة تسير بالقائم باعمال هادي عامين”. مصدر اخر قال ل”كود” “القضية ماشي قضية سفارة. راه كان فالعام اللي داز فيه القرار وما دار والو. باركا من التخربيق”.

نقطة اخرى تؤثر على تحركات الديبلوماسيين المغاربة شرحها ديبلوماسي مازال يعمل لحد الان، اذ قال ل”كود” “الخارجية هي المسؤولة على هاد الوضع. نتحدى شي سفير ديال جلالة الملك فشي دولة عطاتو الدولة قبل ما يتعين معطيات كافية وافية عن الصحراء. وا عباد الله راه كاين اللي ما عمرو حط رجلو فالعيون والداخلة والسمارة وبوجدور. كيفاش تكول قضية وطنية والسفراء ايلى ما كانوش صحراوا اللي عارفين الملف كيديرو غير اجتهاد شخصي”.

رد دبلوماسي يعمل في اوربا كان قويا “الخارجية ماشي مسؤولة وعارفة اش كدير. المغرب ما يمكنش يخلي قرار بحال هادا يدوز. الديبلوماسي قال ل”كود” “ما يمكنش نخليو شي دولة تلعب على الغموض وخاص السويد تعرف باللي المغرب دولة وازنة عندو اصدقاؤو. السويد باغية تدخل لمجلس الامن وباغية دور ففلسطين. بمعاداة القضية المصيرية للمغرب ما يمكنش ليها توصل لشي حاجة”.

مصدر “كود” قال ان قضية “ايكيا” هي وسيلة باش يعرفو السويديين تبعات قرارات حزبهم “هاد القضية بحال شي عش لحنا عليه حجرة باش يتزعزع ودابا القضية بيديهم هما ماشي احنا. ياك بعاد علينا بالاف الكيتومترات، علاش كيقلبو” يشرح مصدر “كود”.

مصدر “كود” اوضح ان المغرب رفض ويرفض ان تكون قضية الصحراء موضوع مزايدات داخلية اي بين احزاب دولة ما او قضية تركب عليها دولة ما لتسويق صورتها. فموقف الحزب اليساري السويدي يهمه هو واليوم اصبح موقفه هو موقف الدولة السويدية وعلى الدولة تحمل تبعات قرار مثل هذا. فالصحراء قضية مصيرية ماشي قضية وصافي.

موقع اخباري سويدي بدأ يتحدث عن تداعيات القرار السويدي اذ اوضح ان هناك رهينة سويدية في افريقيا وان مصيرها بيد المغرب اي ان المملكة المغربية يمكن ان تلعب دورا كبيرا في المفاوضات من اجل اطلاق سراحها. دابا غادية تولي قضية كبيرة