كود مطار محمد الخامس ===
احتج مسافرون عبر “كود” على ما سموه “التسخسيخة” و”الاحتقار” الذي يواجه به المسافرون في مطار محمد الخامس بالدار البيضاء. وقال احدهم ل”كود” “غادي مسافر هاد العشية = الاربعاء= لباريس وباش وصلت لقيت ناس غاديين لوجهة اخرى وحنا اكثر من 200 شخص وادارة المطار وبوليس الحدود يالله فيه 5 البوليس”.
مسافر اخر تحدث عن اهانة للمسافرين “هادي ولات رحلة العذاب ماشي رحلة. يا عذاب الله علاش باغين يسخسخونا وخاصنا نتسناو بزاف الوقت قبل ما ندوزو البوليس، راكم شوهتونا قدام العالمين”. فيما ذهب اخر ان هناك احتجاجات لبعض المسافرين “ماشي عنيفة ولكن تقليقة كاينة”.
الغريب ان التسخسيخة مع بوليس الحدود ماشي غير فالذهاب حتى فالعودة بنادم كيتسخسخ بزاف وكلشي دول العالم كيديرو بوكسات شي للمواطنين وشي للاجانب وكيسرعو المواطنين الا فالبلاد ديالنا كلشي كيعاني وخاصك تكتب بستيلو فورقة واخا الباسبور بيومتري.
