كـود : يونس أفطيط الحسيمة//
خلال جولتها بالمدينة لاحظت “كود” هدوءا يثير الاسئلة. والو ما كتحسش باللي المدينة فيها مسيرة اليوم. المحلات التجارية مفتوحة “غادي نبقى فاتح محلي” اوضح احد التجار ل”كود”. بخصوص سؤال واش ايلى كانت شي مسيرة غاديين تسدو باش تشاركو فيها ولا تبقاو فاتحين رد اخر ل”كود” “ما غاديش نحتج ونقدر نسد حسب الاجواء”.
هدوء المدينة القلق كيكشف علي وجه اخر ليه بعد الوصول الي ساحة محمد السادس. هنا “القوات العمومية اللي كتحتج وخاص سكان المدينة يدخلو ويمنعوهم” يقول احد السكان ساخرا ل”كود”. حضورهم بزاف وكثير. الدخول الي حي سيدي عابد صعيب بزاف واخا الحركة موجودة. حقاش خاص السلطة بمختلف تلاوينها تسولك شكون انت وفين غادي وارى لاكارط ديالك.
والبحر. باين فين ناس قلال. شي شوية اللي مشاو تبحرو وصافي. غير قبل قليل فشاطئ كيمادو عرف خروج اول مجموعة صغيرة باش تحتج. شي 30 حتى ل40 كيغوتو.
التطويق حسب ما عاينته “كود” “موحالش يخلي شي حد يخرج. التطويق كبير بزاف يجعل اي حسيمي يتخنق باش يخرج”.
