بزّاف ديال الرجال كايتعاملو مع الأسنان فحال شي حاجة ثانوية، آكسيسوار معمر ليه فمّو و صافي، تلقاه مجوج و كايبوس مرتو و ماعندوش شيتة د السنان و لا كايحكهم غا من العيد للعيد، يطيحو ليه ماسوقوش، يتخززو ليه ماسوقوش و ماشي غير البوڤريا، حتى شي وحدين لاباس عليهم ماعمرهم شافو الدونتيست ! حشومة
ديما فين مايكون شي نشاط عندو علاقة بالأمازيغ، كيخرجوا شي وحدين مرددين داك اللازمة ديال علاش ماتفكرتوش أمازيغ الحوز لي في الجبال على أساس أن الأمازيغ كاينين غير في الجبل كيعانيو وكيموتوا بالبرد والجوع، وعلى أساس هادو لي في الوطى ماشي أمازيغ جايين مباشرة من قريش سكنوا سهول المغرب
بالنسبة ليا ماحد المغرب باقي كيتشاور مع الفقهاء باش يحسن من جودة حياة المغاربة راه غادي نبقاو ديما اللور، أي فقيه مصدر المعرفة بالنسبة ليه هو أحداث وقعات في صحراء السعودية هادي ألف وربعمية عام، روح العصر والتطور والتقدم هادشي مكيعرفوش الفقيه ومكيآمنش بيه