وكالات //

دارت ماركة Saint Laurent عرض أزياء خاص بالرجال وسط صحراء مغربية، واختارو المنظمين صحراء “أكَفاي” القريبة لمدينة مراكش بحضور عدد من المشاهير والمهتمين بعالم الموضة.

هاد الماركة العالمية قدمات آخر صيحات الموضة الرجالية لربيع وصيف 2023، وسط رملة أكَفاي وهادشي اللي عطاها واحد اللمسة أوريجينال ومختالفة.

الديفيلي ديال لاموض داروه قريب من مدينة مراكش حيت كانت عزيزة بزاف على المؤسس ديال هاد الماركة العالمية اللي مات “إيف سان لوران” (Yves Saint Laurent).
‏
والدليل على أن مراكش كانت عزيزة على إيف سان لوران، هو أنه شرا فيها 2 فيلات وكان كيجي ليهم مللي كيكون محتاج لراحة البال.