كود الرباط//
قال فوزي لقجع، الوزير المكلف بالميزانية، إن عدد كبير من المقاولات المغربية تعاني من الإفلاس بسبب عدم تأدية المكتب الوطني للكهرباء لمستحقاتها، مضيفا: “من يظن بلي هاد المؤسسة تسير بخير فهو مخطئ.. هاذ المؤسسة مكتخلصش المقاولات وعندها عجز 7 ملايير درهم سلبي”.
وتابع: “عشرات المقاولات ماعندهم تا ذنب متخلصاتش من one..، وهاد المقاولات كتموت، مخصناش نقتلو هاد المقاولات وهادشي بصح كاين”.
وأكد لقجع أن 5 ملايير درهم ديال الدعم غاتمشي لهاد المقاولات لي متخلصاتش باش متمشيش للإفلاس، لأنه “كاين قرار سياسي وقلنا للمكتب الوطني للكهرباء واخا يطلع ثمن الكاربون والفيول ثلاث مرات متزيدوش فالثمن”.
هاد 5 ملايير درهم جات ضمن 12 مليار درهم لي فالاعتمادات الإضافية لي قررت الحكومة للحفاظ على الأسعار.
وشدد لقجع بلي هاد الدعم ضروري وملح.
وأكد لقجع أن تكاليف المواد الأولية للمكتب الوطني للكهرباء والماء الصالح للشرب، ارتفعت من 20 مليارا إلى 40 مليار درهم، وهو ما يعادل رقم الأعمال السنوي للمكتب الوطني للكهرباء والماء الصالح للشرب.
