نجوى المالحي – كود//

علنات شركة Arrabet على انطلاقة جديدة لوحدة The Frontline Unit، المتخصصة فمجال البيانات والذكاء الاصطناعي، من خلال تعيين زهير جمال بنّيس كمدير تنفيذي، وتعزيز عرضها الموجه للشركات والمؤسسات اللي باغين يطورو الأداء ديالهم عبر استغلال البيانات بشكل ذكي.

‏The Frontline Unit كتشتغل على تنظيم البيانات، بناء الأنظمة الرقمية، الحوكمة، وتطبيق نماذج الذكاء الاصطناعي اللي كتجاوب مع احتياجات السوق، خصوصاً فالميادين بحال الفينانس، الصناعة، التيليكوم، والتوزيع.

زهير جمال بنّيس جاي بتجربة كبيرة فقيادة مشاريع تكنولوجية معقدة، سبق ليه خدم على بناء Data Factories وSoftware Factories، ورافق تحولات رقمية داخل شركات كبيرة، الشي اللي كيأهلو يقود The Frontline Unit فمرحلة التوسيع وتثبيت الجودة.

هاد التوجه كيجي فواحد الوقت اللي كيعرف فيه المغرب دينامية رقمية قوية، خصوصاً مع المغرب الرقمي 2030، واللقاءات الوطنية الأخيرة حول الذكاء الاصطناعي، واللي كيبينو طموح المغرب فهاد المجال.

الشركات المغربية ولاّت كتقلب على حلول عملية، سريعة، وقابلة للتطبيق. وThe Frontline Unit كتوفر عرض واضح ومبني على نتائج ملموسة، مع قدرة على تنفيذ المشاريع بشكل دقيق، خصوصاً فالسياقات اللي فيها ضغط واحتياج للحلول الذكية.

‏Arrabet من خلال هاد الخطوة، كتأكد أنها مستمرة فدعم الابتكار الرقمي، وباغية تكون فمقدمة الشركات اللي كتساهم فبناء اقتصاد مبني على القيمة والذكاء الاصطناعي.