كود بني ملال//

محامي السيد مهدي حجاوي كيكذبو الأخبار اللي نشرتها نهار 7 شتنبر 2026 الجريدة الإسبانية ABC، فمقال وقعتو الصحافية كيتي غارات، واللي قالت فيه بلي حجاوي ممكن يكون هو اللي ورا تسريب كبير للبيانات، واللي من خلالو وصلات معلومات مرتبطة بأجهزة الاستخبارات المغربية لمجموعة ديال الهاكرز اللي كيتسمّاو «Jabaroot».

وعكس داكشي اللي جا فالمقال، كيأكد الدفاع أن حجاوي عمرو ما صيفط ولا سرب لأي جهة، ، وبالخصوص لمجموعة «Jabaroot»، أي بيانات أو معلومات مرتبطة بأجهزة الاستخبارات المغربية، سواء بملفات ديال موظفين، أو معطيات مرتبطة بعمليات المراقبة، أو أي وثيقة أخرى سرية.

وكيضيف المحامي أن حجاوي ما كان عندو حتى تواصل، لا مباشر لا غير مباشر، مع جريدة ABC ولا مع الصحافية كيتي غارات، سواء أثناء إعداد هاد المقال أو فشي وقت آخر خارج إطار هاد الموضوع.

وبحسب الدفاع، فهاد الاتهامات ما عندها حتى أساس مادي، حيث إن المقال سالا بالإشارة أن «مصادر استخباراتية» مجهولة، بلا ما يقدم حتى دليل ملموس، قابل للتحقق أو المواجهة، يقدر يثبت وجود أي علاقة بين حجاوي وتسريب البيانات اللي كيهضر عليه المقال.

وطلب محام حجاوي بشكل رسمي من جريدة ABC أنها تنشر تصحيح لهاد المعطيات، كما كيدعو جميع وسائل الإعلام اللي نقلات هاد الأخبار إلى التحلي بأقصى درجات الحذر قبل إعادة نشرها.

دابا جورنال صبليوني خرج كذوب وفايك. خرجو على مدعي كيقدم راسو كان الثاني فالمخابرات المغربية “لادجيد” وهو ما عمرو كان فهاد المنصب وجراو عليه هادي سنوات. كذاب تلاقى مع زفاط وصافي