نجوى المالحي-كود//

الممثل الميريكاني العالمي نيكولاس كيج غادي يجي قريبا المغرب باش يصور الجزء الثاني من فيلم سيد الحرب lord of war.

المكلفين بالفيلم لي عندو شهرة عالمية كبيرة ختارو المملكة وهنغاريا باش يصورو العمل الكبير لي كتدور الأحداث ديالو على ظهور ولد غير شرعي لتاجر السلاح الشهير يوري أورلوف (نيكولاس كيج) ولي حتى هو خدام في صناعة وتجارة السلاح. دور الابن غادي يمثلو النجم العالمي بيل سكاركراد، لي مناويش يصحح الاخطاء ديال الباه لكن كيتحداه باش يكون حسن منو.

الجزء الأول خرج في 2005 وتصرف عليه 42 مليون دولار ميريكاني، واختيار المغرب في الجزء الثاني غادي يساهم في الترويج لبلادنا.