الرئيسية > آش واقع > حملة تكفير شرسة لقايدة وجدة اللي طلبات مواطن ينقص من صوت القرآن باش مايصدعش الناس.. نشطاء تضامنو معاها: “عندها الحق”
31/03/2020 16:30 آش واقع

حملة تكفير شرسة لقايدة وجدة اللي طلبات مواطن ينقص من صوت القرآن باش مايصدعش الناس.. نشطاء تضامنو معاها: “عندها الحق”

حملة تكفير شرسة لقايدة وجدة اللي طلبات مواطن ينقص من صوت القرآن باش مايصدعش الناس.. نشطاء تضامنو معاها: “عندها الحق”

عفراء علوي محمدي- كود//

حملة شرسة طالت القايدة ديال وجدة، من بعد ما بانت ففيديو كدور على الديور بمعية السلطات، وكتقول للناس باش يدخلو لديورهم، وطلبات من واحد السيد باش ينقص صوت الراديو، من بعد ما كان طالق القرآن بالجهد، ومصدع الدنيا.

بعض المتخلفين ما استحملوش تغوت القايدة بديك الطريقة على السيد، باعتبار أن القرآن ما كيصدعش وكيريح النفس، هاجموها بطريقة شرسة، وضربو فسمعتها، وكفروها، وطالبو بمحاسبتها، وحرضو على تعنيفها.

مجموعة من المدونين والنشطاء تضامنو مع القايدة، واكدوا بللي عندها الحق فداكشي اللي دارت، بحكم أن السيد تجاوز حريتو، وزعج الآخرين.

أولا مفهمتش كيفاش هاد الكاميرات مع القياد فين ما مشاو واش أي سربيس ولا بكاميرا؟ وأي تحرك خص نعيطو عاى مصور يمشي…

Publiée par Mohammed Abdelouahab Rafiqui sur Lundi 30 mars 2020

الباحث فالدراسات الإسلامية، محمد عبد الوهاب رفيقي، قال فهذ الصدد، فتدوينة ليه على حسابو ف”فيسبوك”، بللي القايدة من حقها تتكلم بديك الطريقة مع الناس، وهذشي كيدخل فإطار خدمتها اللي كتجلى فالامتثال لشكايات الناس، واعتبر أن هذشي اللي تعرضات ليه كيدخل فإطار الإرهاب والترهيب والتحريض على العنف ضدها.

وأكد رفيقي بللي ميمكنش يتم احتكار القرآن من طرف فرد ما، واستعمالو، فقط لأن المغاربة عندهم معاه علاقة روحية مستمرة فالزمان والمكان، ويتم استغلال الدين لإزعاج الناس وكسر قواعد النظام العام فظل هذ الظروف.

تحية للقائدة التي امرت صاحب المنزل بتخفيض صوت المذياع لانها حمت الفضاء العام وكذا الخاص الانسان حر في منزله بالاستماع…

Publiée par ‎الأستاذ المحامي والناشط الحقوقي محمد الهيني‎ sur Lundi 30 mars 2020

ومن جهتو، قال المحامي محمد الهيني، فالصفحة ديالو الرسمية على الموقع الأزرق: “تحية للقائدة التي أمرت صاحب المنزل بتخفيض صوت المذياع لأنها حمت الفضاء العام وكذا الخاص”.

وكيقول الهيني بللي الإنسان حر فالمنزل ديالو يسمع اللي بغا، شريطة عدم إزعاج باقي السكان وكذا الفضاء العام المشترك.

بدورو، قال خالد أشيبان، عضو المكتب الفيدرالي لحزب الأصالة والمعاصرة، فتدوينة ليه دفاعا على القايدة: “نحن متخلفون جدا… الإزعاج مافيهش فرق بين القرآن والموسيقى وصوت محرك الشاحنة .. الإزعاج هو تقتحم عليا المساحة لي كانعيش فيها أو متواجد فيها بشيء أنا ماموافقش عليه، واخا يكون قرآن”.

وزاد كيقول: “وبااااراكا من دغدغة المشاعر ديال الناس بالأفكار الهدامة، كتاب الله نزل ماشي باش تطلقوه فالسراجم وتبيعو بيه الوهم للناس، باراكا من النفاق راه فيروس غير مرئي عرا كولشي، والجهل لي نشرتوه هادي سنين بإسم الدين غادي يقتلنا كاملين”.

من جهتو، قال الحقوقي خالد البكاري، فتدوينة ليه فصفتو على الموقع نفسو، بللي المواطن كان داير مخالفة، سوا كان طالق القرآن واللا الرأي، ومكانش ممكن القايدة تدوي بالشوية لأن صوت الراديو كان مرتفع”.

دويو علينا وجيو علينا،، في فيديو قايدة وجدة، المواطن كان داير مخالفة، سوا كان طالق القرآن، أو طالق الراي،،القايدة حسب…

Publiée par Khalid El Bekkari sur Lundi 30 mars 2020

وقال بللي السيد أساء للقرآن، لأنه خاص يكون مصدر سكينة “نجربو يكونو عندنا مرضى فالدار أو دراري صغار بغاو ينعسو أو مشغولين فالخدمة ومحتاجين التركيز، هذشي كلو مغايمكنش أمام أي صوت مرتفع”، على حساب هضرتو.

ولبارح تداولو نشطاء على مواقع التواصل الاجتماعي، بالإضافة لمنابر إلكترونية كثيرة، فيديوات للقايدة كتجوب أزقة مدينة وجدة مع الستة، وكتحث الناس على الامتثال للقانون، واحترام حالة الطوارئ بالدخول لديورهم.

موضوعات أخرى

29/05/2020 19:00

واش اختارعات الدوليبران ولا لقات دوا كورونا ومافراسناش؟. خولة بنعمران: ما يهمكش كل حاقد تكلم في ظهرك.. الديب ماكيلتفتش لنباح الكلاب -تصاور

29/05/2020 18:30

الحصيلة الوبائية لكورونا فهاد 24 ساعة: 71 تصابو و76 تشافو وحتى واحد ما مات.. الطوطال: 7714 حالة و202 متوفي و5271 متعافي.. وكازا اللي سجلات اكبر عدد من الاصابات

29/05/2020 18:00

كورونا دوزات جنازة عبد الرحمان اليوسفي مزروبة.. وهكذا ودعوه الاتحاديين عن بعد لالتزامهم بالاحترام التام لتدابير الطوارئ الصحية

29/05/2020 17:30

صحاب القهاوي والمطاعم داخو مع انطلاق موعد استئناف نشاطهم التجاري. كلشي سحاب ليه غادي يحل اليوم.. وعبد الفضل لـ”كود”: القرار جا مقرون بالتنسيق مع السلطات المحلية