الرئيسية > آش واقع > ياكما فضيحة باب دارنا تانية.. احتجاجات وشكايات لمتضررين من شركة عقارية فمراكش ولوبي الفساد داخل فحرب مع الوالي باش ميزيرهومش
17/11/2020 07:00 آش واقع

ياكما فضيحة باب دارنا تانية.. احتجاجات وشكايات لمتضررين من شركة عقارية فمراكش ولوبي الفساد داخل فحرب مع الوالي باش ميزيرهومش

ياكما فضيحة باب دارنا تانية.. احتجاجات وشكايات لمتضررين من شركة عقارية فمراكش ولوبي الفساد داخل فحرب مع الوالي باش ميزيرهومش

كريم الشركي-كود//

قضية جديدة ديال فضائح العقار هاد المرة فمراكش، مع شي مجموعة سميتها بساتين مرجان، لي هادي خمس سنين وهي كتدي وتجيب فالناس.

الناس لي شراو الديور وعطاو فلوسهوم، رجعو خايفين لا تمشي ليهم فلوسهم وتمشي تا الدار،  هادشي خلاهم يديرو وقفات احتجاجية، وآخر خطوة داروها هي راسلو الولي قسي لحلو، باش يتدخل ويحميهم من هادشي.

دابا مراكش رجعات واحد البؤرة كبيرة دالفياد الاقتصادي، كاين لوبيات دالعقار باغيا تخدم كيما يحلو لها، وهاد اللوبيات معاهم شركاء من رجال السياسة، وحسب مصادر كود، فإن بعضهم اصطدم بالوالي قسي لحلو، لي مابغاش يلبي لبعضهم ديكشي لي باغيين، هادشي خلاهم يدخلو معاه فصراع وكيحاولو يجيشو عليه الصحافة.

وزاد المصدر ان حرب لوبيات العقار مستعرة في الآونة الاخيرة، وأن أحد وجوه السياسة لي هو نائب رئيس أحد المجالس المنتخبة، واللي رجع ملياردير بعدما كان ما عندو حتى ريال، وطبعا دار هاد لفلوس من السياسة، حتى هو داخل فحرب كبيرة غير من التحت لتحت ضد قسي لحلو وكيجيش عليه الصحافيين.

موضوعات أخرى