سالا المنتخب البرتغالي الاستعدادات ديالو لمواجهة المنتخب الوطني المغربي فربع نهائي كأس العالم قطر 2022، غدا السبت فتيران الثمامة.
الحصة التدريبية الأخيرة الخاصة بالمنتخب البرتغالي تجرات فتيران الشحانية، تحت إشراف المدرب فيرناندو سانتوس، وشاركو فيها جميع اللعابا 24 ديالو فمقدمتهم نجم المنتخب كريستيانو رونالدو وكذلك المدافع روبين دياز اللي ماكانش البارح مع لكروب ولكن تدرب اليوم مع المجموعة.
وغادي يلعب المنتخب الوطني المغربي ضد منتخب البرتغال ابتداء من 4 لعشية ديال غدا السبت فتيران الثمامة فالعاصمة القطرية الدوحة، واللي غادي يربح غادي يتأهل لنصف النهائي.
